ഒമാനിൽ 24 മണിക്കൂറിനിടെ 1511 പേർക്ക് കൂടി കോവിഡ് റിപ്പോർട്ട് ചെയ്തു. ഇതോടെ സുൽത്താനേറ്റിൽ ആകെ റിപ്പോർട്ട് ചെയ്ത പോസിറ്റീവ് കേസുകളുടെ എണ്ണം 3,69,190 ആയി. ഇതിൽ 3,45,129 പേർ രോഗമുക്തരായിട്ടുണ്ട്. പുതിയതായി 1535 പേർക്ക് രോഗം ഭേദമായി. 93.5 ശതമാനമാണ് രോഗമുക്തി നിരക്ക്.
കോവിഡിനെ തുടർന്ന് 5 മരണം കൂടി രാജ്യത്ത് റിപ്പോർട്ട് ചെയ്തു. ഇതുവരെ 4216 പേരാണ് കോവിഡ് ബാധിതരായി ഒമാനിൽ മരണപ്പെട്ടത്. നിലവിൽ 396 പേരാണ് ആശുപത്രിയിൽ ചികിത്സയിലുള്ളത്. ഇതിൽ 78 പേർ ഐ.സി.യുവിലാണ്.
