ഒമാനിൽ 1430 പേർക്ക് കോവിഡ്; 5 മരണം കൂടി റിപ്പോർട്ട് ചെയ്തു

covid updates oman

ഒമാനിൽ 24 മണിക്കൂറിനിടെ 1430 പേർക്ക് കൂടി കോവിഡ് റിപ്പോർട്ട് ചെയ്തു. ഇതോടെ സുൽത്താനേറ്റിൽ ആകെ റിപ്പോർട്ട് ചെയ്ത പോസിറ്റീവ് കേസുകളുടെ എണ്ണം 3,70,620 ആയി. ഇതിൽ 3,47,243 പേർ രോഗമുക്തരായിട്ടുണ്ട്. പുതിയതായി 2114 പേർക്ക് രോഗം ഭേദമായി. 93.7 ശതമാനമാണ് രോഗമുക്തി നിരക്ക്.

കോവിഡിനെ തുടർന്ന് 5 മരണം കൂടി രാജ്യത്ത് റിപ്പോർട്ട് ചെയ്തു. ഇതുവരെ 4221 പേരാണ് കോവിഡ് ബാധിതരായി ഒമാനിൽ മരണപ്പെട്ടത്. നിലവിൽ 361 പേരാണ് ആശുപത്രിയിൽ ചികിത്സയിലുള്ളത്. ഇതിൽ 78 പേർ ഐ.സി.യുവിലാണ്.