ദുബായ് മെർച്ചന്റൈൽ മാർക്കറ്റിൽ ഒമാൻ അസംസ്കൃത എണ്ണ വിലയിൽ നേരിയ ഇടിവ് രേഖപ്പെടുത്തി. ഇന്നലെ പുറത്തു വിട്ട റിപ്പോർട്ട് പ്രകാരം ബാരലിന് 108.87 ഡോളറാണ് വിലയുള്ളത്. വ്യാഴാഴ്ച ഇത് 116.73 ഡോളർ ആയിരുന്നു. ഒറ്റ ദിവസം കൊണ്ട് വിലയിൽ 7 ഡോളറിന്റെ കുറവാണ് ഉണ്ടായത്. റഷ്യ – യുക്രെയ്ൻ സംഘർഷത്തെ തുടർന്നാണ് രാജ്യത്തെ എണ്ണവിലയിൽ റെക്കോർഡ് വർദ്ധനവ് ഉണ്ടായത്. എന്നാൽ എണ്ണ ഉൽപാദന രാജ്യങ്ങളുടെ സഖ്യമായ ഒപെക് ഉൽപാദനം വർധിപ്പിക്കാൻ തീരുമാനിച്ചതോടെയാണ് വിലയിൽ നേരിയ കുറവുണ്ടാകുന്നത്.
