മസ്‌കറ്റ്: ഇന്ത്യൻ ഓഹരി സൂചികകൾ ഇടിഞ്ഞതോടെ ഒമാനി റിയാലിനെതിരെ ഇന്ത്യൻ രൂപയുടെ മൂല്യം വ്യാഴാഴ്ച വീണ്ടും ഇടിഞ്ഞു. ഒരു ഒമാനി റിയാൽ 216.10 ന് തുല്യമാണെന്ന് കറൻസി കൺവെർട്ടറായ Xe അറിയിച്ചു.
റിയാലിന്‍റെ വിനിമയനിരക്ക് ബുധനാഴ്ച വൈകുന്നേരത്തോടെ ഒരു റിയാലിന് 215 രൂപ എന്ന നിരക്കിലെത്തിയിരുന്നു. ഇതോടെ ഇന്ത്യയിലേക്ക് പണം അയക്കുന്നവർ ആയിരം രൂപക്ക് 4.652 റിയാൽ നൽകേണ്ടിയിരുന്നു. ഒരു ഡോളറിന് 83.01 രൂപലയാണ് വില. ബുധനാഴ്ച രാവിലെ ഡോളറിനെ അപേക്ഷിച്ച് രൂപ മെച്ചപ്പെട്ട നിലവാരം കാണിച്ചെങ്കിലും വൈകുന്നേരത്തോടെ തകരുകയായിരുന്നു.
കൂടാതെ, വിദേശ മൂലധനത്തിന്റെ ഒഴുക്ക്, കറന്റ് അക്കൗണ്ട് കമ്മി വർധിപ്പിക്കൽ, പണപ്പെരുപ്പം നിയന്ത്രിക്കാൻ ആഗോളതലത്തിൽ പണനയം കർശനമാക്കൽ എന്നിവ നിക്ഷേപകരുടെ സമൂഹത്തിൽ ചില ആശങ്കകളാണെന്ന് വിശകലന വിദഗ്ധർ പറഞ്ഞു. രാവിലെ 9.56 ന് സെൻസെക്‌സ് 145.01 പോയിന്റ് അഥവാ 0.25 ശതമാനം ഇടിഞ്ഞ് 58,962.18 പോയിന്റിലും നിഫ്റ്റി 43.90 പോയിന്റ് അഥവാ 0.25 ശതമാനം ഇടിഞ്ഞ് 17,468.35 പോയിന്റിലുമാണ് വ്യാപാരം അവസാനിപ്പിച്ചത്.
