മസ്‌കറ്റ്: സലാം എയർ പ്രാഗ് നഗരത്തിലേക്ക് ആദ്യ വിമാനം ആരംഭിച്ചു, മേഖലയിലെ ആദ്യത്തെ എ321 എഫ് കാർഗോ എയർക്രാഫ്റ്റിന്റെ ഉദ്ഘാടന ശേഷം പ്രാഗ് എയർപോർട്ടിൽ എത്തിയ സലാം എയറിന് ഗംഭീര സ്വീകരണം ലഭിച്ചു.
മേഖലയിലെ ആദ്യത്തെ എയർബസ് 321 കാർഗോ വിമാനം ഉദ്ഘാടനം ചെയ്യുന്നതിനുള്ള ചടങ്ങ് വ്യാഴാഴ്ച സലാം എയർ ഒമാൻ സുൽത്താനേറ്റ് സിവിൽ ഏവിയേഷൻ അതോറിറ്റി മേധാവി ഡോ.അൻവർ മുഹമ്മദ് അൽ റവാസിന്റെ സാന്നിധ്യത്തിൽ സംഘടിപ്പിച്ചു. സലാം എയറിന്റെ ഡയറക്ടർ ബോർഡ് ചെയർമാൻ, ഡയറക്ടർ ബോർഡ് അംഗങ്ങൾ, മാധ്യമ വിദഗ്ധർ എന്നിവർ ചടങ്ങിൽ പങ്കെടുത്തു.
മേഖലയിലെ ആദ്യത്തെ എ321 കാർഗോ വിമാനത്തിന്റെ ഉദ്ഘാടനമാണിതെന്ന് സലാം എയർ അധികൃതർ പറഞ്ഞു. സുൽത്താനേറ്റിലെ വ്യോമയാന മേഖലയിലെ ചരിത്ര നിമിഷമായി ഇത് കണക്കാക്കപ്പെടുന്നു, കൂടാതെ രാജ്യത്തെ ഒരു ലോജിസ്റ്റിക്കൽ ഹബ്ബാക്കി മാറ്റുന്നതിനുള്ള ഒമാന്റെ 2040 കാഴ്ചപ്പാടിനെ ഇത് ശക്തിപ്പെടുത്തുകയും ചെയ്യുന്നു.
