മസ്‌കറ്റ്: വാസ്തുവിദ്യയ്ക്കും സംഗീതത്തിനുമുള്ള ആഗാഖാൻ പുരസ്‌കാരത്തിന് ആതിഥേയത്വം വഹിക്കുന്നതോടനുബന്ധിച്ച് സാംസ്‌കാരിക, കായിക, യുവജന മന്ത്രാലയം പ്രത്യേക സ്റ്റാമ്പുകൾ പുറത്തിറക്കി.
“വാസ്തുവിദ്യയ്ക്കും സംഗീതത്തിനുമുള്ള ആഗാ ഖാൻ അവാർഡുകൾ ഒമാൻ സുൽത്താനേറ്റ് സംഘടിപ്പിക്കുന്ന അവസരത്തിൽ, മന്ത്രാലയം, ഒമാൻ പോസ്റ്റുമായി സഹകരിച്ച്, വാസ്തുവിദ്യയിലും സംഗീതത്തിലും ഒമാനി ഐക്കണിനെ പ്രതിനിധീകരിക്കുന്ന തപാൽ സ്റ്റാമ്പുകൾ പുറത്തിറക്കുന്നതായി മന്ത്രാലയം പ്രസ്താവനയിലൂടെ അറിയിച്ചു.
ആർക്കിടെക്ചർ സ്റ്റാമ്പിന്റെ 15-ാമത് പതിപ്പും സംഗീത സ്റ്റാമ്പിന്റെ രണ്ടാം പതിപ്പും ഒമാൻ സുൽത്താനേറ്റിനെ പ്രതിനിധീകരിച്ച് കൾച്ചർ അണ്ടർസെക്രട്ടറി സയ്യിദ് സഈദ് ബിൻ സുൽത്താൻ അൽ ബുസൈദി ഒപ്പുവച്ചു.
സംഗീതത്തിനുള്ള ആഗാ ഖാൻ അവാർഡ് (2020-2022) ശനിയാഴ്ച റോയൽ ഓപ്പറ ഹൗസ് മസ്‌കറ്റിലെ (ROHM) ഹൗസ് ഓഫ് മ്യൂസിക്കൽ ആർട്‌സിൽ ആരംഭിച്ചു.
2022 ഒക്ടോബർ 28 മുതൽ 31 വരെയുള്ള കാലയളവിൽ ഒമാൻ ആണ് അവാർഡ് ദാന ചടങ്ങ് സംഘടിപ്പിക്കുന്നത്.
