ബൂസ്റ്റർ ഡോസ് (മൂന്നാം ഡോസ്) വാക്സിൻ എടുക്കാൻ ബാക്കിയുള്ള പ്രവാസികൾക്ക് ഒമാനിൽ സൗജന്യമായി വാക്സിൻ ലഭ്യമാക്കുന്നു. വടക്കൻ ബാത്തിന ഗവർണറേറ്റിലെ സൊഹാർ വിലായത്തിലുള്ള റീഹാബിലിറ്റേഷൻ സെന്ററിൽ മാർച്ച് 10 വരെ ഇതിനുള്ള സൗകര്യം ഉണ്ടായിരിക്കുന്നതാണ്. രണ്ടാം ഡോസ് വാക്സിൻ സ്വീകരിച്ച് 3 മാസം പിന്നിട്ട 18 വയസിനു മുകളിൽ പ്രായമുള്ള ഏതൊരാൾക്കും ഇവിടെയെത്തി വാക്സിൻ സ്വീകരിക്കുവാൻ കഴിയും. വാക്സിൻ എടുക്കാൻ പോകുമ്പോൾ തിരിച്ചറിയൽ രേഖയും മൊബൈൽ ഫോണും കയ്യിൽ കരുതേണ്ടതാണ്.
