മസ്‌കറ്റ്: ഒമാനിലുടനീളം ഹോട്ടൽ വരുമാനം 200 ശതമാനത്തിലധികം ഉയർന്നു. സർക്കാർ പുറത്തുവിട്ട കണക്കുകൾ പ്രകാരം ത്രീ-ഫൈവ് സ്റ്റാർ റേറ്റുള്ള ഹോട്ടലുകൾ നേടിയ വരുമാനം 2021 മെയ് മാസത്തെ അപേക്ഷിച്ച് 2022 മെയ് മാസത്തിൽ 200 ശതമാനത്തിലധികമാണ്.
2022 മെയ് മാസത്തിൽ ഹോട്ടലുകൾ 13 ദശലക്ഷം ഒമാൻ റിയാൽ നേടി. 2021 മെയ് മാസത്തിലെ വെറും 4 ദശലക്ഷം ഒമാൻ റിയാൽ ആയിരുന്നു. അതായത് വരുമാനത്തിൽ 205 ശതമാനം വർദ്ധനവ്. ഹോട്ടലുകൾ സന്ദർശിക്കുന്ന അതിഥികളും ഗണ്യമായി ഉയർന്നു. 2022 മെയ് മാസത്തിൽ 140,000 അതിഥികൾ ഒമാനിലെ ഹോട്ടലുകളിൽ താമസിച്ചു. 2021 ൽ ഇത് 68,000 ആയിരുന്നു, ഇത് 105 ശതമാനം വർധിച്ചു, മെയ് ടൂറിസം സൂചികയിൽ നാഷണൽ സെന്റർ ഫോർ സ്റ്റാറ്റിസ്റ്റിക്സ് ആൻഡ് ഇൻഫർമേഷൻ (NCSI) പുറത്തുവിട്ട കണക്കുകളാണ് ഇക്കാര്യം വ്യക്തമാക്കിയത്.
കൂടാതെ, ഈ വർഷം മെയ് മാസത്തിൽ 216,348 പേർ ഒമാനിലേക്ക് പ്രവേശിച്ചു, ഇത് 2021 മെയ് മാസത്തിൽ 6,036 ആയിരുന്നു, ഇത് രാജ്യത്തേക്കുള്ള ഇൻബൗണ്ട് വരവിൽ 35 മടങ്ങ് വർദ്ധനവ് പ്രതിഫലിപ്പിക്കുന്നു. ഇൻബൗണ്ട് സന്ദർശകരിൽ 54.5 ശതമാനവും ഗൾഫ് സഹകരണ കൗൺസിൽ രാജ്യങ്ങളിൽ നിന്നുള്ള പൗരന്മാരായിരുന്നു. ജിസിസിയിലെ ആറ് അംഗങ്ങളിൽ ഒന്നാണ് ഒമാൻ. യുഎഇ, സൗദി അറേബ്യ, ഖത്തർ, കുവൈറ്റ്, ബഹ്‌റൈൻ എന്നിവയാണ് മറ്റ് അഞ്ച് രാജ്യങ്ങൾ.
