മസ്കത്ത്: ഇറാഖ് തലസ്ഥാനമായ ബാഗ്ദാദിൽ ഇന്ധന ടാങ്കർ പൊട്ടിത്തെറിച്ച സംഭവത്തിൽ റിപ്പബ്ലിക് ഓഫ് ഇറാഖിന് ഒമാൻ സുൽത്താനേറ്റ് അനുശോചനം അറിയിച്ചു.
“ഇറാഖ് റിപ്പബ്ലിക്കിലെ സർക്കാരിനോടും ജനങ്ങളോടും കിഴക്ക് ഇന്ധന ടാങ്കർ പൊട്ടിത്തെറിച്ച സംഭവത്തിൽ കൊല്ലപ്പെട്ടവരുടെ കുടുംബങ്ങളോടും ഒമാൻ സുൽത്താനേറ്റ് ആത്മാർത്ഥമായ അനുശോചനവും സഹതാപവും അറിയിക്കുന്നതായി ഒമാൻ ന്യൂസ് ഏജൻസി (ONA) ഒരു പ്രസ്താവനയിലുടെ വ്യക്തമാക്കി.
ഇറാഖ് തലസ്ഥാനമായ ബാഗ്ദാദിൽ ഗ്യാസ് ടാങ്കർ പൊട്ടിത്തെറിച്ച് ഒമ്പത് പേർ കൊല്ലപ്പെടുകയും 20 പേർക്ക് പരിക്കേൽക്കുകയും ചെയ്തു.
ഒരു ഫുട്ബോൾ സ്റ്റേഡിയത്തിനും കഫേയ്ക്കും സമീപമുള്ള ഗാരേജിലാണ് സ്ഫോടനം ഉണ്ടായത്, ഒരു വാഹനത്തിൽ ഘടിപ്പിച്ച സ്ഫോടകവസ്തു പൊട്ടിത്തെറിച്ചതിനെ തുടർന്ന് സമീപത്തുണ്ടായിരുന്ന ഗ്യാസ് ടാങ്കർ വീണ്ടും പൊട്ടിത്തെറിക്കുകയായിരുന്നു.
ബാഗ്ദാദിന്റെ ഭൂരിഭാഗവും കേട്ട സ്ഫോടനം നഗരത്തിന്റെ കിഴക്കൻ ഭാഗത്തുള്ള ഒരു ഫുട്ബോൾ മൈതാനത്തിന് സമീപമാണ് നടന്നത്.
അപകടത്തിന് ഉത്തരവാദികളായവരെ കണ്ടെത്താൻ അന്വേഷണം നടത്തുമെന്ന് ഇറാഖ് അടുത്തിടെ തിരഞ്ഞെടുക്കപ്പെട്ട പ്രസിഡന്റ് അബ്ദുൾ ലത്തീഫ് റാഷിദ് ഉറപ്പുനൽകി.
