മസ്‌കത്ത്: സംസ്‌കാരം, കായികം, നവീകരണം, സാങ്കേതികവിദ്യ, സുസ്ഥിരത, വിനോദം തുടങ്ങി വിവിധ മേഖലകളിൽ 30-ലധികം യുവജന പ്രവർത്തനങ്ങൾ ഉൾക്കൊള്ളുന്ന “എഎംഡി ദുഖും 22” പരിപാടിക്ക് തുടക്കം കുറിച്ചു. ദുഖുമിലെ പ്രത്യേക സാമ്പത്തിക മേഖലയുടെ സാന്നിധ്യം വർധിപ്പിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിക്കുന്നത്.
സാങ്കേതികവിദ്യയും ആധുനിക സാങ്കേതികവിദ്യയായ ആർട്ടിഫിഷ്യൽ ഇന്റലിജൻസ്, റോബോട്ടുകൾ, പുനരുപയോഗ ഊർജം എന്നിവ ഉപയോഗിക്കുന്ന യുവജന പ്രവർത്തനങ്ങളും പദ്ധതികളും ആകർഷിക്കാൻ മേഖല തയ്യാറാണെന്ന് ദുഖുമിലെ പ്രത്യേക സാമ്പത്തിക മേഖലയുടെ ചുമതലയുള്ള സിഇഒ എഞ്ചിനീയർ അഹമ്മദ് ബിൻ അലി അകാക്ക് അറിയിച്ചു.
മെഡിറ്റേഷൻ സെഷൻ, ഇലക്ട്രിക് ബൈക്ക് സർക്യൂട്ട് (സ്കൂട്ടർ), പാഡിൽ ബോർഡ് ഗെയിമുകൾ, ഒബ്സ്റ്റാക്കിൾ കോഴ്‌സ് ഗെയിം, ഡ്രോണുകൾ, റിമോട്ട് കൺട്രോൾ കാർ റേസിംഗ് സർക്യൂട്ട്, ആർട്ട് ലാബുകൾ, വീഡിയോ, ടേബിൾ ഗെയിമുകൾ, തിയേറ്ററുകൾ എന്നിവയുൾപ്പെടെ നിരവധി യുവജന പ്രവർത്തനങ്ങളാണ് ഇവന്റിൽ ഉൾപ്പെടുന്നത്.
