മസ്കത്ത്: സീബ്‌ വിലായത്തിലെ അൽ-മാബെല പ്രദേശത്ത് ഹൽബൻ സ്ട്രീറ്റിന്റെ (ആദ്യ ഘട്ടം) ഡ്യൂപ്ലിക്കേഷൻ നിർമ്മിക്കുന്നതിനും ലൈറ്റ് സിഗ്നലുകളുള്ള ഗ്രൗണ്ട് ഇന്റർസെക്‌ഷൻ നിർമ്മിക്കുന്നതിനും മസ്കത്ത് മുനിസിപ്പാലിറ്റി ചുമതലപ്പെടുത്തി.
“മേഖലയിലും അനുബന്ധ തെരുവുകളിലും ഗതാഗത കാര്യക്ഷമത വർദ്ധിപ്പിക്കുന്നതിന് മസ്‌കറ്റ് മുനിസിപ്പാലിറ്റിയുടെ താൽപ്പര്യാർത്ഥം, പ്രശ്‌നം പരിഹരിക്കാൻ ലക്ഷ്യമിട്ടുള്ള ഹൽബൻ സ്ട്രീറ്റ് ഡ്യൂപ്ലിക്കേഷൻ പ്രോജക്റ്റ് (ഘട്ടം ഒന്ന്) നടപ്പിലാക്കാൻ ചുമതലപ്പെടുത്തിയിട്ടുള്ളതായി മുനിസിപ്പാലിറ്റി പ്രസ്താവനയിലൂടെ അറിയിച്ചു. ഹൽബൻ സ്ട്രീറ്റ്, റോഡ് വഴിയുള്ള പ്രദേശങ്ങളിലേക്ക് സുഗമവും ഫലപ്രദവുമായ ഗതാഗതം പ്രദാനം ചെയ്യുന്നതിനായി ലൈറ്റ് സിഗ്നലുകളുള്ള ഗ്രൗണ്ട് ഇന്റർസെക്‌ഷൻ നിർമ്മിക്കുന്നതായും സർവീസ് റോഡുകൾ റെസിഡൻഷ്യൽ ഏരിയകളിലേക്ക് നേരിട്ട് പ്രവേശനം നൽകുകയും പദ്ധതി പ്രദേശത്തെ മഴവെള്ളം ഒഴുകിപ്പോകാനുള്ള സംവിധാനം മെച്ചപ്പെടുത്തുകയും ചെയ്യുമെന്നും മുൻസിപ്പാലിറ്റി വ്യക്തമാക്കി.
