മസ്കത്ത്: ചികിത്സക്ക് വേണ്ടി നാട്ടിലേയ്ക്ക് പോയ പത്തനംതിട്ട സ്വദേശി നിര്യാതനായി. തിരുവല്ല പുല്ലാടിലെ ഇല്ലത്തുപറമ്പിൽ അനിൽകുമാർ (54) ആണ് മരിച്ചത്.
ജനുവരി രണ്ടിനാണ് നാട്ടിലേയ്ക്ക് പോയത്. 20 വർഷമായി ഒമാനിലുള്ള ഇദ്ദേഹം കുടുംബവുമൊത്ത് ഇന്ത്യൻ സ്കൂൾ ദാർസൈത്തിന് സമീപത്തായിരുന്നു താമസിച്ചിരുന്നത്. ഇന്ത്യൻ സോഷ്യൽ ക്ലബ് മലയാളം വിങ്ങിന്‍റെ അംഗമായിരുന്നു. പിതാവ്: ചന്ദ്രശേഖരൻ നായർ. മാതാവ്: രാധാമണിയമ്മ. ഭാര്യ: ബിനു അനിൽ. മക്കൾ: അഭിജിത്, ആദ്യത് (വിദ്യാർഥി, ദാർസൈത്ത് ഇന്ത്യൻ സ്കൂൾ).
