മസ്‌കറ്റ്: ടൈറ്റാനിയം ഡയോക്സൈഡ് (E171) ചേർത്ത ഭക്ഷ്യ ഉൽപന്നങ്ങൾ ഉൽപ്പാദിപ്പിക്കുകയോ ഇറക്കുമതി ചെയ്യുകയോ വിപണനം ചെയ്യുകയോചെയ്താൽ 1000 ഒമാൻ റിയാൽ പിഴ ചുമത്തും.
ഭക്ഷ്യസുരക്ഷാ ചട്ടങ്ങളിലെ ചില വ്യവസ്ഥകൾ ഭേദഗതി ചെയ്തുകൊണ്ട് കൃഷി, ഫിഷറീസ്, ജലവിഭവ മന്ത്രി ഹിസ് എക്സലൻസി ഡോ. സൗദ് ബിൻ ഹമൂദ് അൽ ഹബ്സി മന്ത്രിതല പ്രമേയം നമ്പർ 11/2023 പുറപ്പെടുവിച്ചു.
പ്രസിദ്ധീകരണ തീയതി മുതൽ 6 മാസത്തിന് ശേഷം ഈ തീരുമാനം പ്രാബല്യത്തിൽ വരുമെന്ന് നിയമത്തിൽ വ്യക്തമാക്കുന്നു.
E171 എന്നും അറിയപ്പെടുന്ന ടൈറ്റാനിയം ഡയോക്സൈഡ് (TiO2), ഭക്ഷണത്തിൽ വെളുത്ത നിറമായി ഉപയോഗിക്കപ്പെടുന്നു, മാത്രമല്ല പെയിന്റുകൾ, കോട്ടിംഗുകൾ, ഫാർമസ്യൂട്ടിക്കൽസ്, സൗന്ദര്യവർദ്ധക വസ്തുക്കൾ, ടൂത്ത് പേസ്റ്റ് എന്നിവയിലും ഇത് സാധാരണയായി ഉപയോഗിക്കുന്നു.
