തിങ്കളാഴ്ച മുതൽ ബുധനാഴ്ച വരെ ഒമാൻ സുൽത്താനേറ്റിൽ മഴയ്ക്ക് സാധ്യതയുള്ളതായി നാഷണൽ മൾട്ടി-ഹാസാർഡ് എർലി വാണിംഗ് സെന്ററിന്റെ ഏറ്റവും പുതിയ കാലാവസ്ഥാ അപ്‌ഡേറ്റുകൾ വ്യക്തമാക്കി. കൊടുങ്കാറ്റിന്റെ ആഘാതം തിങ്കളാഴ്ചയായിരിക്കുമെന്ന് ഒമാൻ കാലാവസ്ഥാ നിരീക്ഷണ കേന്ദ്രത്തിലെ കാലാവസ്ഥാ നിരീക്ഷകൻ അറിയിച്ചു.
ചില പ്രദേശങ്ങളിൽ ഒറ്റപ്പെട്ട മഴയ്‌ക്കൊപ്പമാണെങ്കിലും മറ്റ് പ്രദേശങ്ങളിൽ ഇടയ്‌ക്കിടെ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് അദ്ദേഹം പറഞ്ഞു. മുസന്ദം, അൽ ദാഹിറ, അൽ ബുറൈമി, ദോഫാർ ഗവർണറേറ്റുകളിൽ പ്രാരംഭ ആഘാതം പ്രതീക്ഷിക്കുന്നു, ഇത് ചൊവ്വാഴ്ച വരെ തുടരുമെന്ന് പ്രതീക്ഷിക്കുന്നതായും അദ്ദേഹം വ്യക്തമാക്കി. തുടർന്ന് ഇത് നോർത്ത് അൽ ബത്തിന, സൗത്ത് അൽ ബത്തിന, അൽ ദഖിലിയ, മസ്‌കറ്റ്, സൗത്ത് അൽ ഗവർണറേറ്റുകളിലേക്ക് വ്യാപിപ്പിക്കും. ശർഖിയ, നോർത്ത് അൽ ഷർഖിയ, അൽ വുസ്ത എന്നിവയ്‌ക്കൊപ്പം ഇടയ്‌ക്കിടെ ഇടിമിന്നലോട് കൂടിയ കാറ്റും ആലിപ്പഴ വർഷവും ഉണ്ടാകുമെന്നും കലാവസ്ഥ മുന്നറിയിപ്പിൽ പറയുന്നു.
ഈ കാലയളവിൽ ഔദ്യോഗിക കാലാവസ്ഥാ ബുള്ളറ്റിനുകൾ പിന്തുടരാനും ഒഴുകുന്ന വാടികളിൽ നിന്ന് വിട്ടുനിൽക്കാനും സിവിൽ ഏവിയേഷൻ അതോറിറ്റി പൊതുജനങ്ങളോട് അഭ്യർത്ഥിച്ചു.
