മസ്‌കത്ത്: സ്കൂൾ വിദ്യാർത്ഥികളുടെ സുരക്ഷ ഉറപ്പാക്കുന്നതിന്റെ ഭാഗമായി ഗതാഗത, വാർത്താവിനിമയ, വിവര സാങ്കേതിക മന്ത്രാലയം ഒമാൻ സുൽത്താനേറ്റിലെ നിരവധി സ്‌കൂളുകളിൽ വിദ്യാർത്ഥികളെ കൊണ്ടുപോകുന്ന ബസുകളുടെ പരിശോധന കാമ്പയിൻ ആരംഭിച്ചു.
ഗതാഗത നിയമത്തിന്റെയും അനുബന്ധ ചട്ടങ്ങളുടെയും ആവശ്യകതകൾ ഓപ്പറേറ്റർമാർ പാലിക്കുന്നുണ്ടെന്ന് ഉറപ്പ് വരുത്തുന്നതിനും സുരക്ഷാ ആവശ്യകതകൾ നടപ്പിലാക്കുന്നത് ഉറപ്പാക്കുന്നതിനുമായി ‘ഒരു സംയോജിതവും സുരക്ഷിതവും സുസ്ഥിരവുമായ സ്കൂൾ ഗതാഗത സംവിധാനം’ എന്ന മുദ്രാവാക്യത്തിന് കീഴിലാണ് സുരക്ഷാ കാമ്പയിൻ ആരംഭിച്ചത്.
സ്കൂൾ ട്രാൻസ്പോർട്ട് ബസുകളുടെ സുരക്ഷ സംബന്ധിച്ച സ്‌പെസിഫിക്കേഷനുകളുടെ അഭാവം, ഒമാൻ സുൽത്താനേറ്റിൽ ബസ് സർവീസ് നൽകുന്നതിനുള്ള ട്രാൻസ്പോർട്ട് പ്ലാറ്റ്‌ഫോമിൽ രജിസ്റ്റർ ചെയ്യാത്തത് എന്നിവയ്‌ക്ക് പുറമെ നിരവധി നിയമലംഘനങ്ങൾ ഈ കാമ്പെയ്‌നിന് കാരണമായി.
സ്കൂൾ ബസുകളുടെ സുരക്ഷാ ആവശ്യകതകൾ, പ്രഥമശുശ്രൂഷ കിറ്റ്, ഡിജിറ്റൽ ട്രാൻസ്പോർട്ട് പ്ലാറ്റ്‌ഫോമിൽ ബസിന്റെ രജിസ്‌ട്രേഷൻ, അവർക്ക് ഏൽപ്പിച്ച ജോലികളോടുള്ള പ്രതിബദ്ധത, സ്കൂൾ ബസുകളുടെ ശുചിത്വം എന്നിവ പരിശോധനാ കാമ്പയിനിൽ ഉൾപ്പെട്ടിട്ടുണ്ടെന്ന് മന്ത്രാലയം വ്യക്തമാക്കി.
വിദ്യാർത്ഥികളുടെ സുരക്ഷ ഉറപ്പുവരുത്തുന്നതിനായി സ്കൂൾ ട്രാൻസ്പോർട്ട് ബസുകളിലെ പരിശോധനാ കാമ്പെയ്‌നുകൾ അധ്യയന വർഷം മുഴുവനും തുടർച്ചയായി നടത്തുമെന്ന് മന്ത്രാലയം കൂട്ടിച്ചേർത്തു.
