ബെർലിൻ: ബെർലിനിൽ നടക്കുന്ന സ്പെഷ്യൽ ഒളിമ്പിക്‌സ് വേൾഡ് ഗെയിംസ് മൂന്നാം ദിവസത്തിൽ ഒമാൻ സുൽത്താനേറ്റ് നാല് വെങ്കല മെഡലുകൾ നേടി. ജൂൺ 17 മുതൽ 25 വരെയാണ് ഗെയിംസ് നടക്കുന്നത്.
ഭാരോദ്വഹന മത്സരത്തിൽ അബ്ദുൽ അസീസ് മുഹമ്മദ് അൽ ബലൂഷിയാണ് നാല് മെഡലുകൾ നേടിയത്.
സ്പെഷ്യൽ ഒളിമ്പിക്‌സിൽ ഒമാൻ ബാഡ്മിന്റൺ, ഗോൾഫ്, സെയിലിംഗ്, ടെന്നീസ്, റോളർ സ്കേറ്റിംഗ് എന്നീ മത്സരങ്ങളിലാണ് പങ്കെടുത്തത്. സ്പെഷ്യൽ ഒളിമ്പിക്‌സ് വേൾഡ് സമ്മർ ഗെയിംസിൽ പങ്കെടുക്കുന്ന ഒമാനി സ്പെഷ്യൽ ഒളിമ്പിക്‌സ് പ്രതിനിധി സംഘത്തിൽ ബുദ്ധിപരമായ വൈകല്യമുള്ള 36 കളിക്കാരും 9 പങ്കാളി കളിക്കാരുമാണ് ഉൾപ്പെടുന്നത്.
