മസ്‌കറ്റ് – ഒമാൻ കടലിന്റെയും അറബിക്കടലിന്റെയും തീരപ്രദേശങ്ങളിൽ രാത്രി വൈകിയോ അതിരാവിലെയോ മഴയോ മൂടൽ മഞ്ഞോ ഉണ്ടാകാൻ സാധ്യതയുള്ളതായി ഒമാൻ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.
ദോഫാർ ഗവർണറേറ്റിന്റെ തീരപ്രദേശങ്ങളും അതിനോട് ചേർന്നുള്ള മലനിരകളും ഒമാൻ കടലിന്റെ തീരപ്രദേശങ്ങളുടെ ചില ഭാഗങ്ങളും ഭാഗികമായി മേഘാവൃതമായ ആകാശത്തിന് സാക്ഷ്യം വഹിക്കുമെന്നും ഒറ്റപ്പെട്ട മഴയ്‌ക്ക് സാധ്യതയുണ്ടെന്നും മുന്നറിയിപ്പിൽ വ്യക്തമാക്കുന്നു. ഇടയ്ക്കിടെ ഇടിമിന്നൽ, ഉച്ചയോടെയുള്ള അൽ ഹജർ പർവതനിരകളുടെ ചില ഭാഗങ്ങളിലും സമീപ പ്രദേശങ്ങളിലും കാറ്റിനുള്ള സാധ്യതയും കാലാവസ്ഥാ നിരീക്ഷണ കേന്ദ്രം മുന്നറിയിപ്പിൽ വ്യക്തമാക്കുന്നു.
