സുവൈഖ്: നോർത്ത് അൽ ബത്തിനയിലെ പരിസ്ഥിതി അതോറിറ്റിസുവൈഖിലെ വിലായത്തിലെ പവിഴപ്പുറ്റുകൾ വൃത്തിയാക്കാൻ വിപുലമായ കാമ്പയിൻ സംഘടിപ്പിച്ചു. സൊഹാർ ഡൈവിംഗ് ടീമിന്റെ സഹകരണത്തോടെയും നിരവധി സർക്കാർ-സ്വകാര്യ ഏജൻസികളുടെയും സിവിൽ അസോസിയേഷനുകളുടെയും പങ്കാളിത്തത്തോടെയുമാണ് കാമ്പയിൻ സംഘടിപ്പിച്ചത്.
2023-ൽ ഒമാൻ സുൽത്താനേറ്റിന്റെ തീരദേശ ഗവർണറേറ്റുകളുടെ സമുദ്ര പരിസ്ഥിതിയും പവിഴപ്പുറ്റുകളും വൃത്തിയാക്കാൻ അതോറിറ്റി നടപ്പാക്കുന്ന പരിപാടിയുടെ ഭാഗമായാണ് കാമ്പയിൻ സംഘടിപ്പിച്ചത്.
സമുദ്ര പരിസ്ഥിതിയും പവിഴപ്പുറ്റുകളും പ്ലാസ്റ്റിക് മാലിന്യങ്ങൾ, മത്സ്യബന്ധന മാലിന്യങ്ങൾ, മറ്റ് അവശിഷ്ടങ്ങൾ എന്നിവയിൽ നിന്ന് മുക്തമാക്കുകയാണ് കാമ്പയിൻ ലക്ഷ്യമിടുന്നത്.
അതോടൊപ്പം ഒമാന്റെ പരിസ്ഥിതിയെ സംരക്ഷിക്കുന്ന ഒരു സംസ്‌കാരം വളർത്തിയെടുക്കുന്നതിൽ കമ്മ്യൂണിറ്റി പങ്കാളിത്തം പ്രോത്സാഹിപ്പിക്കുന്നതിനൊപ്പം, പ്രദേശവാസികൾക്കിടയിൽ പാരിസ്ഥിതിക അറിവ് വളർത്താനും കാമ്പയിൻ ലക്ഷ്യമിടുന്നു. പരിപാടിയുടെ ഫലമായി ഏകദേശം 500-600 കിലോ പ്ലാസ്റ്റിക്, മത്സ്യബന്ധന മാലിന്യങ്ങളാണ് ശേഖരിച്ചത്.
