മസ്കത്ത് – ‘ലെറ്റ് ഇറ്റ് ലാസ്റ്റ്’ എന്ന പേരിൽ ബോധവൽക്കരണ കാമ്പയിൻ ഉപഭോക്തൃ സംരക്ഷണ അതോറിറ്റി (സിപിഎ )ഇന്ന് ബുധനാഴ്ച ആരംഭിക്കും.
ഇലക്ട്രിക്കൽ, ഇലക്‌ട്രോണിക് ഉപകരണങ്ങൾ ഉൾപ്പെടുന്ന വാണിജ്യ ഇടപാടുകളിൽ ഉപഭോക്താക്കളെയും ചില്ലറ വ്യാപാരികളെയും അവരുടെ അവകാശങ്ങളെയും ഉത്തരവാദിത്തങ്ങളെയും കുറിച്ച് ബോധവൽക്കരിക്കുക എന്നതാണ് കാമ്പയിനിലൂടെ ലക്ഷ്യമിടുന്നത്.
ഉപകരണങ്ങൾ വാങ്ങുന്നതിനെക്കുറിച്ചുള്ള സ്മാർട്ട് ഷോപ്പിംഗ് വിദ്യകൾ കാമ്പെയ്‌ൻ നൽകുകയും വാറന്റികളെക്കുറിച്ചുള്ള പൊതു ധാരണ മെച്ചപ്പെടുത്തുന്നതിലും എക്‌സ്‌ചേഞ്ച്, റിട്ടേൺ പോളിസികളിലും ശ്രദ്ധ കേന്ദ്രീകരിക്കുകയും ചെയ്യും. ഉപഭോക്തൃ-ചില്ലറ വ്യാപാരി ബന്ധങ്ങളിലെ സുതാര്യതയുടെയും വ്യക്തതയുടെയും പ്രാധാന്യം ഇത് വ്യക്തമാകുമെന്നും സിപിഎ ഒദ്യോഗിക വൃത്തങ്ങൾ വ്യക്തമാക്കി.
ഇലക്ട്രിക്കൽ, ഇ-ഉപകരണങ്ങളുടെ വിൽപ്പനയിൽ ഏർപ്പെട്ടിരിക്കുന്ന വിതരണക്കാരുമായും റീട്ടെയിൽ ജീവനക്കാരുമായും നേരിട്ടുള്ള ആശയവിനിമയങ്ങളും കാമ്പയിനിൽ ഉൾപ്പെടുന്നു.
