മസ്‌കത്ത് – അറബിക്കടലിൽ രൂപം കൊണ്ട ഉഷ്ണമേഖലാ ന്യൂനമർദ്ദം കാരണം ഞായറാഴ്ച മുതൽ സുൽത്താനേറ്റിൽ കനത്ത മഴ പെയ്യുമെന്ന് സിവിൽ ഏവിയേഷൻ അതോറിറ്റി അറിയിച്ചു.
ന്യൂനമർദം ഒമാനിലെ ദോഫാർ, അൽ വുസ്ത ഗവർണറേറ്റുകളുടെയും യെമനിലെയും തീരങ്ങളെ ബാധിക്കാൻ സാധ്യതയുണ്ടെന്ന് അതോറിറ്റി ചൂണ്ടിക്കാട്ടി.
അതേസമയം, മസ്‌കറ്റ്, ദഖ്‌ലിയ, നോർത്ത്, സൗത്ത് ബാത്തിന, മുസന്ദം, ദാഹിറ, നോർത്ത് ഷർഖിയ ഗവർണറേറ്റുകളിൽ നേരത്തെ തന്നെ മഴ പ്രതീക്ഷിക്കാവുന്നതാണ്.
