മസ്‌കറ്റ് – ഒമാൻ സുൽത്താനേറ്റിൽ ഒക്‌ടോബറിൽ താപനിലയിൽ വർദ്ധനവ് രേഖപ്പെടുത്തി. പ്രതിമാസ ശരാശരിയെ അപേക്ഷിച്ച് നിരവധി കാലാവസ്ഥാ നിരീക്ഷണ കേന്ദ്രങ്ങളിൽ താപനിലയിയിൽ വർദ്ധനവ് രേഖപ്പെടുത്തിയാതായി സിവിൽ ഏവിയേഷൻ അതോറിറ്റി അറിയിച്ചു.
ദലീൽ 45.2 ഡിഗ്രി സെൽഷ്യസാണ് ഏറ്റവും ഉയർന്ന താപനില രേഖപ്പെടുത്തിയത്. തൊട്ടുപിന്നാൽ 45 ഡിഗ്രി സെൽഷ്യസിൽ ബാർക്കയും 44.9 ഡിഗ്രി സെൽഷ്യസിൽ ഫഹൂദും 44.7 ഡിഗ്രി സെൽഷ്യസിൽ സുനൈനയും എത്തി. അതേസമയം ധൽക്കുതിലാണ് ഏറ്റവും ഉയർന്ന മഴ രേഖപ്പെടുത്തിയത്. 236.8 മില്ലീമീറ്റർ മഴയാണ് ഇവിടെ പെയ്തത്. ജബൽ ഷംസ് 89 മില്ലീമീറ്ററും ഷാലിം 57.8 മില്ലീമീറ്ററും റുസ്താഖ് 43.8 മില്ലീമീറ്ററും സീക്ക് 37.2 മില്ലീമീറ്ററും രേഖപ്പെടുത്തിയതായി സിവിൽ ഏവിയേഷൻ അതോറിറ്റി വ്യക്തമാക്കി.
ചില കാലാവസ്ഥാ നിരീക്ഷണ കേന്ദ്രങ്ങളിൽ ഒക്ടോബറിലെ ശരാശരിയേക്കാൾ ഉയർന്ന താപനില രേഖപ്പെടുത്തി. മസിറ സ്റ്റേഷനിൽ 1.2 ഡിഗ്രി സെൽഷ്യസിന്റെ ഗണ്യമായ വർദ്ധനവ് രേഖപ്പെടുത്തി, തുംറൈതിലും സലാലയിലും +0.8 ഡിഗ്രി സെൽഷ്യസ് വീതം വർദ്ധനവ് രേഖപ്പെടുത്തി, ഡിഫ്രാക്ഷൻ എന്നാണ് ഈ പ്രതിഭാസത്തെ വിളിക്കുന്നത്.
അതേസമയം, നവംബർ 5 ഞായറാഴ്ച ഒമാൻ സുൽത്താനേറ്റിനെ ഒരു ന്യൂനമർദം ബാധിക്കുമെന്ന് സിവിൽ ഏവിയേഷൻ അതോറിറ്റി അറിയിച്ചു.
