ന്യൂയോർക്ക്: ഒമാൻ സുൽത്താനേറ്റിന്റെ നേതൃത്വത്തിൽ ന്യൂയോർക്കിലെ ഐക്യരാഷ്ട്രസഭയിലെ (യുഎൻ) ജിസിസി അംബാസഡർമാർ യുഎൻ സെക്രട്ടറി ജനറൽ അന്റോണിയോ ഗുട്ടെറസുമായി കൂടിക്കാഴ്ച നടത്തി.
ഗാസ മുനമ്പിലും വെസ്റ്റ് ബാങ്കിലും ഫലസ്തീനികൾക്കെതിരെ ഇസ്രായേൽ നടത്തുന്ന ആക്രമണം തുടരുന്ന പശ്ചാത്തലത്തിൽ യുഎൻ ആസ്ഥാനത്ത് നടന്ന യോഗം ഫലസ്തീൻ രംഗത്തെ ഏറ്റവും പുതിയ സംഭവവികാസങ്ങൾ അവലോകനം ചെയ്തു.
യുഎൻ സെക്രട്ടറി ജനറൽ, സിവിലിയൻമാരുടെ, പ്രത്യേകിച്ച് സ്ത്രീകളുടെയും കുട്ടികളുടെയും, വലിയ ജീവഹാനിയെക്കുറിച്ച് ആശങ്ക പ്രകടിപ്പിച്ചു. അതോടൊപ്പം യുഎന്നിന് നിരവധി യുഎൻആർഡബ്ല്യുഎ ജീവനക്കാരെ നഷ്ടമായെന്നും അദ്ദേഹം കൂട്ടിച്ചേർത്തു.
