മസ്‌കറ്റ് – നോർത്ത് ഷർഖിയ ഗവർണറേറ്റിലെ ഒമാൻ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി (ഒസിസിഐ), പൈതൃക, ടൂറിസം മന്ത്രാലയവുമായി (എംഎച്ച്ടി) സഹകരിച്ച് ജനുവരി 24ന് ബിദിയയിൽ ടൂറിസം ഫോറം സംഘടിപ്പിക്കുന്നു.
ഒമാൻ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രിയുടെ നോർത്ത് ഷർഖിയയിലെ ശാഖയുടെ ടൂറിസം കമ്മിറ്റി ചെയർമാൻ സലാഹ് സലിം അൽ ഹജ്‌രിയാണ് ഇക്കാര്യം അറിയിച്ചത്. ‘ഒമാൻ ഡെസേർട്ട് ടൂറിസം ഫോറം’ ഒമാനിൽ ഇത്തരത്തിലുള്ള ആദ്യത്തേതാണ്.
നിക്ഷേപ, ടൂറിസം മേഖലകളിലെ നിരവധി ഉദ്യോഗസ്ഥർ, ട്രാവൽ ആൻഡ് ടൂറിസം കമ്പനികളുടെ ഉദ്യോഗസ്ഥർ, മരുഭൂമി റിസർവുകൾ, മരുഭൂമി ശൈത്യകാലവുമായി ബന്ധപ്പെട്ട പദ്ധതികളുടെ ഉടമകൾ എന്നിവർ ഫോറത്തിൽ പങ്കെടുക്കും.
നോർത്ത് ശർഖിയ ഗവർണറേറ്റിലെ ടൂറിസം ഘടകങ്ങൾ ഭൂപ്രകൃതിയുടെയും പ്രത്യേക വിനോദസഞ്ചാര സ്ഥലങ്ങളുടെയും വൈവിധ്യം വാഗ്ദാനം ചെയ്യുന്നു, ഇത് ഒമാനിൽ നിന്നും വിദേശത്തുനിന്നും ധാരാളം സന്ദർശകരെ ആകർഷിക്കാൻ സഹായിക്കുന്നതാണ്.
