മസ്‌കത്ത്: നിയമപരമായ നടപടികൾ ഒഴിവാക്കുന്നതിന് പാരാഗ്ലൈഡിംഗ് പ്രാക്ടീഷണർമാർ സുരക്ഷാ ചട്ടങ്ങളും മാനദണ്ഡങ്ങളും പാലിക്കണമെന്ന് സിവിൽ ഏവിയേഷൻ അതോറിറ്റി (സിഎഎ) അറിയിച്ചു.
“ഒമാൻ സുൽത്താനേറ്റിൽ ഹാംഗ്-ഗ്ലൈഡിംഗ് പെർമിറ്റിംഗ് നടപടിക്രമങ്ങൾ കാര്യക്ഷമമാക്കുന്നതിന്റെ ഭാഗമായി, പ്രസക്തമായ ചട്ടങ്ങൾ അപ്‌ഡേറ്റു ചെയ്‌തതായി CAA വ്യക്തമാക്കി. ഒരു മാർഗ്ഗനിർദ്ദേശം തയ്യാറാക്കുകയും ഒമാനി ഏവിയേഷനുമായുള്ള സഹകരണ കരാറിന് അംഗീകാരം നൽകുകയും ചെയ്തു.
അതോടൊപ്പം, വിനോദ വ്യോമയാന പ്രവർത്തനങ്ങൾ നിയന്ത്രിക്കുന്നതിനും പരിശീലന നയരേഖ തയ്യാറാക്കുന്നതിനുമായി സിവിൽ ഏവിയേഷൻ അതോറിറ്റിയും ഒമാനി കമ്മിറ്റി ഫോർ എയർ സ്പോർട്സും തമ്മിൽ ധാരണാപത്രവും തയ്യാറാക്കിയിട്ടുണ്ട്.
അതിനാൽ, സുരക്ഷാ ചട്ടങ്ങളും മാനദണ്ഡങ്ങളും പാലിക്കേണ്ടതിന്റെ പ്രാധാന്യം സിവിൽ ഏവിയേഷൻ അതോറിറ്റി എടുത്തു പറയുന്നു. സുരക്ഷിതമായ രീതിയിൽ മാത്രം ഇത്തരം കാര്യങ്ങൾ ചെയ്യുവാനും അധികൃതർ ആവശ്യപ്പെടുന്നു.
നിയമലംഘനങ്ങൾ കണ്ടെത്തിയാൽ അതോറിറ്റി നിയമനടപടി സ്വീകരിക്കുമെന്നും പ്രസ്താവനയിൽ കൂട്ടിച്ചേർത്തു.
