മസ്കത്ത് ഗവർണറേറ്റിലെ സീബ് സൂഖിൽ വൻ തീപിടിത്തം. മലയാളികളുടേതടക്കം 16ലധികം കടകൾ പൂർണമായി കത്തിനശിച്ചു. ചൊവ്വാഴ്ച പുലർച്ചെ രണ്ടു മണിയോടെയായിരുന്നു സംഭവം. ആർക്കും പരിക്കേറ്റിട്ടില്ല.
സിവിൽ ഡിഫൻസ് ആൻഡ് ആംബുലൻസ് അതോറിറ്റിയിലെ അംഗങ്ങൾ എത്തി തീ നിയന്ത്രണണ വിധേയമാക്കി. അപകടത്തിൻറെ കാരണങ്ങൾ വ്യക്തമല്ല. നിരവധി ഗോഡൗണുകളും വെയർഹൗസുകളുമാണ് കത്തി നശിച്ചവയിൽ ഉൾപ്പെടുന്നത്.
