ഒമാനിൽ പ്രവാസികൾക്കായി പ്രത്യേക വാക്സിനേഷൻ ക്യാമ്പയിൻ ആരംഭിക്കുന്നു. മസ്ക്കറ്റ് ഗവർണറേറ്റിലെ ആരോഗ്യ മന്ത്രാലയം ഡയറക്ടറേറ്റ് ജനറൽ ആണ് ഇക്കാര്യം അറിയിച്ചത്. ഖുറയത് വിലായത്തിലെ അൽ സഹേൽ ഹെൽത്ത് സെന്ററിൽ വെച്ചാകും വാക്സിനേഷൻ നടക്കുക. നാളെയും മറ്റന്നാളും രാവിലെ 9 മണി മുതൽ വൈകിട്ട് 4 മണി വരെ ഇവിടെയെത്തി വാക്സിൻ സ്വീകരിക്കാം. വാക്സിൻ എടുക്കാൻ വരുന്നവർ വാലിഡ് ആയ മൊബൈൽ നമ്പറും, റെസിഡന്റ് കാർഡിന്റെ കോപ്പിയും കയ്യിൽ കരുതണം.
