മസ്‌കത്ത്: ദോഫാർ ഫാർമസ്യൂട്ടിക്കൽ ഇൻഡസ്ട്രീസ് ഫാക്ടറിയുടെ ഉദ്ഘാടനം നിർവ്വഹിച്ചു. 15 ദശലക്ഷത്തിലധികം ഒമാനി റിയാൽ നിക്ഷേപിച്ച ദോഫാർ ഫാർമസ്യൂട്ടിക്കൽ ഇൻഡസ്ട്രീസിന്റെ ഔദ്യോഗിക ഉദ്ഘാടനം ഇന്നലെയാണ് നടന്നത്. വാണിജ്യ, വ്യവസായ, നിക്ഷേപ പ്രോത്സാഹന മന്ത്രി ഖൈസ് ബിൻ മുഹമ്മദ് അൽ യൂസുഫ്, ആരോഗ്യമന്ത്രി ഡോ. ഹിലാൽ ബിൻ അലി അൽ സാബ്തി തുടങ്ങിയ പ്രമുഖർ ചടങ്ങിൽ പങ്കെടുത്തു.
നൂതന ജർമ്മൻ സാങ്കേതികവിദ്യയാണ് ഫാക്ടറിയിൽ ഉപയോഗിക്കുന്നത്. ഇൻട്രാവെനസ് സൊല്യൂഷനുകളുടെയും കിഡ്‌നി ഡയാലിസിസ് സൊല്യൂഷനുകളുടെയും നിർമാണത്തിലായിരിക്കും ഫാക്ടറി പ്രത്യേക ശ്രദ്ധ കേന്ദ്രീകരിക്കുക. ഫാക്ടറി നിർമ്മിച്ചിരിക്കുന്നത് 22,000 ചതുരശ്ര മീറ്ററിലാണ്.
ഈ ഫാക്ടറിയ്ക്ക് പ്രതിവർഷം 15 ദശലക്ഷം യൂണിറ്റ് ഇൻട്രാവെനസ് സൊല്യൂഷനുകളുടെയും 2.3 ദശലക്ഷം യൂണിറ്റ് കിഡ്‌നി ഡയാലിസിസ് സൊല്യൂഷനുകളുടെയും ഉൽപ്പാദന ശേഷിയുണ്ട്.
