മസ്‌കത്ത്: ഒമാനിൽ തീപിടുത്തം. മസ്‌കത്ത് ഗവർണറേറ്റിലെ സീബ് വിലായത്തിലെ താമസ കെട്ടിടത്തിലാണ് തീപിടിത്തം ഉണ്ടായത്. തിങ്കളാഴ്ച വൈകിട്ടാണ് തീപിടിത്തമുണ്ടായത്. സംഭവ സ്ഥലത്തെത്തിയ സിവിൽ ഡിഫൻസ് ആൻഡ് ആംബുലൻസ് അതോറിറ്റി (സി ഡി എ എ) അഗ്നിശമന സേന അതിവേഗം തീ നിയന്ത്രണവിധേയമാക്കി.
സംഭവ സമയത്ത് ആറ് പേരാണ് കെട്ടിടത്തിൽ ഉണ്ടായിരുന്നത്. ഹൈഡ്രോളിക് ക്രെയിൻ ഉപയോഗിച്ച് എല്ലാ താമസക്കാരെയും രക്ഷപ്പെടുത്തിയതായും അപകടത്തിൽ ആർക്കും പരുക്കേറ്റിട്ടില്ലെന്നും സിവിൽ ഡിഫൻസ് അറിയിച്ചു.
