മസ്കത്ത്: ഒമാനിൽ നിന്നും പിൻവലിച്ച നോട്ടുകൾ മാറ്റിയെടുക്കാൻ ഡിസംബർ 31 വരെ അവസരം. സമയപരിധി അവസാനിക്കുന്നതിന് മുൻപ് നോട്ടുകൾ കൈവശമുള്ളവർ മാറ്റിയെടുക്കണമെന്ന് അധികൃതർ നിർദേശിച്ചു. രാജ്യത്ത് പ്രവർത്തിക്കുന്ന ബാങ്കുകളിൽ നിന്ന് നോട്ടുകൾ മാറ്റിയെടുക്കാം. ഡിസംബർ 31 ന് ശേഷം പിൻവലിച്ച നോട്ടുകളുടെ ഉപയോഗം നിയമവിരുദ്ധമായി കണക്കാക്കുമെന്ന് സെൻട്രൽ ബാങ്ക് ഓഫ് ഒമാൻ (സിബിഒ) അറിയിച്ചു. 2020ന് മുൻപ് സിബിഒ പുറത്തിറക്കിയ ചില കറൻസികളുടെ ഉപയോഗമാണ് നിരോധിച്ചിരിക്കുന്നത്.
അസാധുവാക്കിയ നോട്ടുകൾ ഇവയാണ്:
1995 നവംബറിൽ പുറത്തിറക്കിയ 1 റിയാൽ, 500 ബൈസ, 200 ബൈസ, 100 ബൈസ.
2000 നവംബറിൽ ഇഷ്യൂ ചെയ്ത 50, 20, 10, 5 റിയാൽ.
2005ൽ പുറത്തിറക്കിയ 1 റിയാൽ
2010ൽ പുറത്തിറക്കിയ 20 റിയാൽ
2011, 2012 വർഷങ്ങളിൽ നൽകിയ 50, 10, 5 റിയാൽ
2015ൽ പുറത്തിറക്കിയ 1 റിയാൽ
2019ൽ നൽകിയ 50 റിയാൽ
