മസ്‌കത്ത്: ഒമാനിൽ ഒഴുക്കിൽപ്പെട്ട് യുവഡോക്ടർ മരണപ്പെട്ടു. മലപ്പുറം കോക്കൂർ സ്വദേശി വട്ടത്തൂർ വളപ്പിൽ വീട്ടിൽ ഡോ. നവാഫ് ഇബ്രാഹിം ആണ് മരിച്ചത്. 34 വയസായിരുന്നു. ഇബ്രിക്ക് സമീപം വാദി ദാമിൽ ഒഴുക്കിൽപ്പെട്ടാണ് മരണം സംഭവിച്ചത്.
കഴിഞ്ഞ ദിവസം കുടുംബത്തോടൊപ്പം ഇവിടെ എത്തിയതായിരുന്നു അദ്ദേഹം. നവാഫിന്റെ ഭാര്യയും രണ്ടര വയസുള്ള കുഞ്ഞും സുരക്ഷിതരാണെന്ന് അധികൃതർ അറിയിച്ചു. നിസ്വ ആശുപത്രിയിലെ എമർജൻസി വിഭാഗത്തിലെ ജീവനക്കാരനായിരുന്നു ഡോ. നവാഫ് ഇബ്രാഹിം.
മൃതദേഹം ഇബ്രി ആശുപത്രി മോർച്ചറിയിലേക്ക് മാറ്റി. ഭാര്യ നിശിയ, മകൻ: നഹാൻ നവാഫ്.
