മസ്‌കത്ത്: ഒമാനിൽ ജോലിക്കിടെ കാണാതായ മൂന്ന് പേരെയും കണ്ടെത്തി. കാണാതായ രണ്ട് ഇന്ത്യൻ പ്രവാസികളെയും ഒമാൻ പൗരനെയുമാണ് കണ്ടെത്തിയത്. ദാഖിലിയ ഗവർണറേറ്റിലെ ഖർനുൽ ഇലമി പ്രദേശത്താണ് സംഭവം.
ഇവർ ഒരു കൺസഷൻ സൈറ്റിൽ ജോലി ചെയ്യുന്നതിനിടെ ആശയവിനിമയം പെട്ടെന്ന് വിച്ഛേദിക്കപ്പെടുകയായിരുന്നു. റോയൽ എയർഫോഴ്‌സ് ഓഫ് ഒമാൻ, പൊലീസ് ഏവിയേഷൻ, കൺസഷൻ ഏരിയകളിൽ പ്രവർത്തിക്കുന്ന കമ്പനികൾ, പൗരന്മാർ എന്നിവരുമായി സഹകരിച്ച് ബന്ധപ്പെട്ട യൂണിറ്റുകളുടെ പിന്തുണയോടെ ഓയിൽ ആൻഡ് ഗ്യാസ് ഇൻസ്റ്റാളേഷൻ പൊലീസ് കമാൻഡിന്റെ നേതൃത്വത്തിൽ നടത്തിയ ശ്രമങ്ങൾക്കൊടുവിലാണ് ഇവരെ കണ്ടെത്തിയത്. ഇവരുടെ ആരോഗ്യനില തൃപ്തകരമാണെന്ന് അധികൃതർ വ്യക്തമാക്കി.
