മസ്കത്ത്: മസ്കത്ത് നൈറ്റ്സിന് ഇത്തവണ എട്ട് വേദികൾ. ഓരോ വേദികളിലും നടക്കുക വൈവിധ്യമാർന്ന പരിപാടികളായിരിക്കും. ജനുവരി ഒന്ന് മുതൽ 31 വരെയാണ് മസ്കത്ത് നൈറ്റ്സ് നടക്കുന്നത്. എട്ട് വേദികളിലായി വിപുല സാംസ്കാരിക, വിനോദ പരിപാടികളാണ് ഒരുങ്ങുന്നത്. ഖുറം നാച്ച്വറൽ പാർക്ക്, നസീം ഗാർഡൻ, ഒമാൻ ഓട്ടോമൊബൈൽ അസോസിയേഷൻ ഗ്രൗണ്ടുകൾ, സീബ് ബീച്ച്, വാദി അൽ ഖൂദ്, ഖുറിയാത്ത്, ആമിറാത്ത് പാർക്ക്, ബൗഷർ സാൻഡ്സ് തുടങ്ങിയ സ്ഥലങ്ങളിലാണ് മസ്കത്ത് നൈറ്റ്സ് വ്യക്തമാക്കി.
ഖുറം നാച്ച്വറൽ പാർക്കിൽ പ്രവാസികൾക്കായുള്ള മേഖല, കലാ പ്രകടനങ്ങൾ, കാർണിവലുകൾ, ഡ്രോൺ പ്രദർശനങ്ങൾ തുടങ്ങിയവ നടക്കും. നസീം ഗാർഡനിൽ സ്റ്റേജ് ഷോകൾ, റൈഡുകൾ, ഒമാനി മധുരപലഹാര കോർണർ, സംഗീത സായാഹ്നങ്ങൾ തുടങ്ങിയവ അരങ്ങേറും. ആമിറാത്ത് പാർക്കിൽ പൈതൃക ഗ്രാമം, കുട്ടികളുടെ ഏരിയ, ഉപഭോക്തൃ പ്രദർശനം സാംസ്കാരിക സായാഹ്നങ്ങൾ എന്നിവ ഒരുങ്ങും.
സീബിലെ സുർ അൽ ഹദീദിൽ കേന്ദ്രീകരിച്ചായിരിക്കും ബീച്ച് ആക്ടിവിറ്റികൾ നടക്കുക. ബീച്ച് ഫുട്ബോൾ, വോളിബോൾ, വടംവലി, മാരത്തൺ തുടങ്ങിയവ ഇവിടെ അരങ്ങേറും.
