മസ്‌കത്ത്: ജോർദാനിലെ രാജാവ് അബ്ദുല്ല രണ്ടാമൻ ഇബ്‌നു അൽ ഹുസൈന്റെ ഒമാൻ സുൽത്താനേറ്റ് സന്ദർശനം രണ്ട് രാജ്യങ്ങൾക്കിടയിലുള്ള വ്യാപാരം വർധിപ്പിക്കുന്നതിനും വിവിധ മേഖലകളിൽ നിക്ഷേപവും സഹകരണവും കൂടുതൽ വികസിപ്പിക്കുന്നതിനും സഹായിക്കുമെന്ന് വാണിജ്യ, വ്യവസായ, നിക്ഷേപ പ്രോത്സാഹന മന്ത്രി ഖാഇസ് ബിൻ മുഹമ്മദ് അൽ യൂസഫ്.
ഇരുരാജ്യങ്ങളും തമ്മിലുള്ള ബന്ധത്തിന് സുൽത്താൻ ഹൈതം ബിൻ താരിക്കിന്റെയും ജോർദാനിലെ രാജാവ് അബ്ദുല്ല II ഇബ്‌നു അൽ ഹുസൈന്റെയും ശ്രദ്ധയും പരിചരണവും ലഭിച്ചിട്ടുണ്ടെന്നും അദ്ദേഹം പറഞ്ഞു. ഇരു രാജ്യങ്ങളും തമ്മിലുള്ള ബന്ധം വിവിധ മേഖലകളിൽ തുടർച്ചയായതും സുസ്ഥിരവുമായ വികസനത്തിന് സാക്ഷ്യം വഹിച്ചിട്ടുണ്ടെന്നും അദ്ദേഹം വ്യക്തമാക്കി.
ഇരു രാജ്യങ്ങളും തമ്മിലുള്ള സാമ്പത്തിക, വ്യാപാര, നിക്ഷേപ സഹകരണവും മറ്റ് സഹകരണ മേഖലകളും വർധിപ്പിക്കുന്നതിനുള്ള സംവിധാനങ്ങൾ സംയുക്ത ഒമാനി-ജോർദാനിയൻ കമ്മിറ്റി പര്യവേക്ഷണം ചെയ്യുന്നുണ്ടെന്ന് അദ്ദേഹം പറഞ്ഞു.
ഇരുരാജ്യങ്ങളും തമ്മിലുള്ള വിവിധ മേഖലകളിലെ വ്യാപാരത്തിന്റെ അളവ് വർധിപ്പിക്കുന്നതിന് സാമ്പത്തിക സഹകരണം സഹായകമായിട്ടുണ്ടെന്നും അദ്ദേഹം ചൂണ്ടിക്കാട്ടി. ഇരു രാജ്യങ്ങളും നിക്ഷേപ അവസരങ്ങളും പ്രോത്സാഹനങ്ങളും ആസ്വദിക്കുന്നു, അത് വ്യാപാര വിനിമയം വർദ്ധിപ്പിക്കുകയും വിവിധ മേഖലകളിലെ നിക്ഷേപം വർദ്ധിപ്പിക്കുകയും ചെയ്യുമെന്നും അദ്ദേഹം കൂട്ടിച്ചേർത്തു.
