മസ്‌കറ്റ്: ഹേ അൽ വഫ പദ്ധതിയുടെ പ്രാരംഭഘട്ട ഉദ്ഘാടനം സുൽത്താൻ ഹൈതം സിറ്റിയിലെ പനോരമ മാളിൽ നടന്നു. 280 ദശലക്ഷം ഒമാൻ റിയാലാണ് പദ്ധതിയുടെ മൂല്യം.
അൽ അബ്രാർ റിയൽ എസ്റ്റേറ്റ് വികസിപ്പിച്ചെടുത്ത ഈ പ്രോജക്റ്റ് ഒരു ദശലക്ഷം ചതുരശ്ര മീറ്ററിൽ വ്യാപിക്കുകയും മൊത്തം 1,800 റെസിഡൻഷ്യൽ യൂണിറ്റുകൾ ഉൾക്കൊള്ളുകയും ചെയ്യുന്നു. 375 യൂണിറ്റുകളുള്ള ആദ്യ ഘട്ടം 2026-ഓടെ പൂർത്തിയാകുമെന്നാണ് പ്രതീക്ഷിക്കുന്നത്.
അൽ സിയാബി ഇൻ്റർനാഷണൽ ഗ്രൂപ്പിൻ്റെ അനുബന്ധ സ്ഥാപനമായ അൽ അബ്രാർ റിയൽ എസ്റ്റേറ്റ് ഡയറക്ടർ ബോർഡ് ചെയർമാൻ സലിം ബിൻ അലി അൽ സിയാബിയോടൊപ്പം ഉദ്ഘാടന ചടങ്ങിൽ ഭവന, നഗരാസൂത്രണ മന്ത്രി ഡോ. ഖൽഫാൻ ബിൻ സഈദ് അൽ ഷുവൈലി അധ്യക്ഷത വഹിച്ചു.
ഉദ്ഘാടന ഘട്ടം വ്യത്യസ്തമായ മുൻഗണനകൾ നിറവേറ്റുന്ന വിവിധതരം അപ്പാർട്ട്‌മെൻ്റുകളും വില്ല ഡിസൈനുകളും ഉൾക്കൊള്ളുന്നു. 2026 ഓടെ, റെസിഡൻഷ്യൽ യൂണിറ്റുകൾക്കൊപ്പം, റോഡുകൾ, യൂട്ടിലിറ്റികൾ, ലൈറ്റിംഗ് എന്നിവ ഉൾപ്പെടെയുള്ള അടിസ്ഥാന സൗകര്യങ്ങളും അന്തിമമാക്കും.
ഒമാനി പൗരന്മാരെയും പ്രവാസികളെയും ലക്ഷ്യമിട്ടുള്ള മത്സരാധിഷ്ഠിത വിലനിർണ്ണയ തന്ത്രത്തിന് ഊന്നൽ നൽകികൊണ്ട് അൽ സിയാബി പദ്ധതിയുടെ വിജയത്തെക്കുറിച്ച് ശുഭാപ്തിവിശ്വാസം പ്രകടിപ്പിച്ചു.
