മസ്‌കത്ത്‌: സമുദ്ര സുരക്ഷയുമായി ബന്ധപ്പെട്ട ധാരണ പത്രം പുതുക്കി ഇന്ത്യയും ഒമാനും. നാവിക സേനയുമായി അൽ മുർത്തഫ ക്യാമ്പിൽ വച്ചാണ് ഒമാൻ മാരി ടൈം സെക്യൂരിറ്റി സെന്ററും ഇന്ത്യൻ നാവികസേനയും ധാരണ പത്രത്തിൽ ഒപ്പുവെച്ചത്.
ഒമാനെ പ്രതിനിധീകരിച്ച് റോയൽ നേവി കമാൻഡറും മാരിടൈം സെക്യൂരിറ്റി കമ്മിറ്റി ചെയർമാനുമായ റിയർ അഡ്മിറൽ സെയ്ഫ് നാസർ അൽ റഹ്ബിയും ഇന്ത്യയെ പ്രതിനിധീകരിച്ച് ഒമാൻ സുൽത്താനേറ്റിലെ ഇന്ത്യൻ അംബാസഡർ പ്രശാന്ത് പിസെയും ഈ മെമ്മോറാണ്ടത്തിൽ ഒപ്പുവച്ചു.
സമുദ്ര നാവിഗേഷന്റെ സുരക്ഷ നിലനിർത്തുന്നതിനായി രണ്ട് സൗഹൃദ രാജ്യങ്ങൾക്കിടയിൽ സംയുക്ത സഹകരണം നിലനിർത്തുന്നതിനും സമുദ്ര സുരക്ഷാ മേഖലകളിൽ വൈദഗ്ദ്ധ്യം കൈമാറുന്നതിനും ഈ മെമ്മോറാണ്ടം ലക്ഷ്യമിടുന്നു.
