മസ്കത്ത്: മസ്കത്ത് ഗവർണറേറ്റിലെ സീബ് വിലായത്തിലെ മബേലയിൽ പാർക്ക് നിർമ്മാണ പ്രവർത്തനങ്ങൾ പുരോഗമിക്കുന്നു. ഓക്സി ഓക്സി എന്ന രാജ്യാന്തര ഊർജ കമ്പനിയുടെ സഹായത്തോടെയാണ് പാർക്ക് നിർമിക്കുന്നത്. 1,52,400 ചതുരശ്ര മീറ്റർ വിസ്തൃതിയിൽ വ്യാപിച്ചുകിടക്കുന്ന പദ്ധതിയിൽ നടപ്പാത, 3,200 മീറ്റർ നീളമുള്ള സൈക്കിൾ ട്രാക്ക്, കാൽനടക്കാർക്കുള്ള ഓവർഹെഡ് ബ്രിഡ്ജുകൾ, കുട്ടികൾക്കായുള്ള ഗെയിമുകൾ, വ്യായാമ ഉപകരണങ്ങൾ, ടോയ്ലറ്റുകൾ, റസ്റ്റാറന്റുകൾ, മസ്ജിദ്, വാഹനങ്ങൾക്കുള്ള പൊതു പാർക്കിങ് എന്നിവയാണ് ഉൾപ്പെടുന്നത്. 24 മാസത്തിനുള്ളിൽ പദ്ധതി പൂർത്തീകരിക്കുമെന്ന് ബന്ധപ്പെട്ട അധികൃതർ വ്യക്തമാക്കി.