മസ്കത്ത്: സുഹാറിലെ വിലായത്തിലെ അൽ മണിയൽ പാർക്കിൽ വടക്കൻ ബാത്തിന മറൈൻ ഫെസ്റ്റിവൽ സമാപിച്ചു. മന്ത്രിമാരുടെ കൗൺസിൽ ഡെപ്യൂട്ടി സെക്രട്ടറി ജനറൽ സയ്യിദ് സുലൈമാൻ ബിൻ ഹമൂദ് അൽ ബുസൈദിയുടെ നേതൃത്വത്തിലാണ് സമാപന ചടങ്ങുകൾ നടന്നത്. ഉത്സവം വിജയമാക്കുന്നതിൽ സുപ്രധാന പങ്കുവഹിച്ച കുടുംബങ്ങളുടെയും ചെറുകിട ഇടത്തരം സംരംഭങ്ങളുടെയും പങ്കിനെ ഗവർണർ മുഹമ്മദ് ബിൻ സുലൈമാൻ അൽ കിന്ദി അഭിനന്ദിക്കുകയും ചെയ്തു.
ഒരു മാസം നീണ്ടുനിന്ന പരിപാടികളിൽ 384,474ലധികം ആളുകളാണ് എത്തിയത്. ഉൽപ്പാദനക്ഷമതയുള്ള കുടുംബങ്ങൾ അവരുടെ സ്റ്റാളുകൾ വഴി 40,000 റിയാലിന്‍റെ കച്ചവടവും നടക്കുകയുണ്ടായി.
