സലാല: എറണാകുളം കളമശ്ശേരി സ്വദേശി ടി.ഒ.ജി റോഡിൽ ചന്ദ്രഗിരി ഹൗസിൽ ദർശൻ ശ്രീ നായർ (39) സലാലയിലുണ്ടായ വാഹനാപകടത്തിൽ നിര്യാതനായി. ചൊവ്വാഴ്ച രാവിലെ ഹൈവേയിൽ റഫോക്കിന് സമീപമാണ് അപകടം ഉണ്ടായത്. ഇദ്ദേഹം സഞ്ചരിച്ചിരുന്ന വാഹനത്തിനു പിന്നിൽ മറ്റൊരു വാഹനം ഇടിച്ച് വാഹനം മറിയുകയുമായിരുന്നു.
പത്തു വർഷമായി ഇദ്ദേഹം സലാലയിലുണ്ട്. സ്വകാര്യ കമ്പനിയിൽ സൂപ്പർവൈസറായി ജോലി ചെയ്തുവരുകയായിരുന്നു. ഭാര്യ അനിത സലാല ആരോഗ്യ മന്ത്രാലയത്തിൽ നഴ്സാണ്. മകൾ: അയാന. സുൽത്താൻ ഖാബൂസ് ആശുപത്രിയിൽ സൂക്ഷിച്ചിരിക്കുന്ന മൃതദേഹം നിയമ നടപടികൾക്കുശേഷം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.
