മസ്‌കത്ത്: ലൈസൻസിംഗ് അപേക്ഷകൾക്കായി ടാക്സി ഉടമകൾ ഒക്ടോബർ 1 മുതൽ രജിസ്റ്റർ ചെയ്യണമെന്ന് ഗതാഗത-വാർത്താവിനിമയ-വിവരസാങ്കേതിക മന്ത്രാലയം അറിയിച്ചു.
പദ്ധതിയുടെ നടത്തിപ്പിനായി മൂന്ന് സമയപരിധികൾ നിശ്ചയിച്ചിട്ടുണ്ട്: ആദ്യ ഘട്ടം ഒക്ടോബർ 1 നാണ് ആരംഭിക്കുന്നത്. ഒമാൻ വിമാനത്താവളങ്ങളിലെ ടാക്സി ഡ്രൈവർമാരെയാണ് ഈ ഘട്ടത്തിൽ പരിഗണിക്കുക. രണ്ടാം ഘട്ടം നവംബർ 1 ന് ആരംഭിക്കും. ഇത് ടൂറിസ്റ്റ് കോംപ്ലക്സുകൾ, ഹോട്ടലുകൾ, വാണിജ്യ കേന്ദ്രങ്ങൾ, തുറമുഖങ്ങൾ തുടങ്ങിയ സ്ഥലങ്ങളിൽ സേവനം നൽകുന്ന ടാക്സി ഡ്രൈവർമാർക്ക് ബാധകമാണ്. മൂന്നാം ഘട്ടം 2024 ജനുവരി 1-ന് ആരംഭിക്കും. ഇത് വെള്ളയും ഓറഞ്ചും നിറമുള്ള പൊതു തെരുവുകളിൽ സർവീസ് നടത്തുന്ന ടാക്സികൾക്ക് വേണ്ടിയുള്ളതാണ്.
