മസ്കത്ത്: വടക്കൻ ബാത്തിന ഗവർണറേറ്റിൽ വാണിജ്യ സ്ഥാപനത്തിന് തീപിടിച്ചു. സംഭവത്തിൽ അപകടങ്ങളൊന്നും റിപ്പോർട്ട് ചെയ്തിട്ടില്ലായെന്ന് അധികൃതർ അറിയിച്ചു. സഹം വിലായത്തിലാണ് അപകടം സംഭവിച്ചത്. സിവിൽ ഡിഫൻസ് ആൻഡ് ആംബുലൻസ് അതോറിറ്റിയിലെ അഗ്നിശമന സേനാംഗങ്ങൾ എത്തി തീ നിയന്ത്രണവിധേയമാക്കി.അപകട കാരണം അറിവായിട്ടില്ല. അപകടത്തിൽ വൻ നാശനഷ്ടമാണ് കണക്കാക്കുന്നത്.