മസ്‌കറ്റ് – ഫെബ്രുവരി 9 വെള്ളിയാഴ്ച ടൂർ ഓഫ് ഒമാൻ റേസിൻ്റെ മസ്‌കറ്റ് ക്ലാസിക് സ്റ്റേജിനോട് അനുബന്ധിച്ച് ഭാഗികമായി ഗതാഗതം അടച്ചതായി റോയൽ ഒമാൻ പോലീസ് – സെക്യൂരിറ്റി റിലേഷൻസ് ആൻ്റ് മീഡിയ ഡിപ്പാർട്ട്‌മെൻ്റ് അറിയിച്ചു.
റേസ് ട്രാക്കിനോട് ചേർന്നുള്ള റോഡുകളുടെ ഇരുവശങ്ങളിലും വാഹനങ്ങൾ പാർക്ക് ചെയ്യുന്നത് കർശനമായി നിരോധിച്ചതായി റോയൽ ഒമാൻ പോലീസ് പുറത്തിറക്കിയ പ്രസ്താവനയിൽ പറയുന്നു.
മസ്‌കറ്റിലെ അൽ മൗജിൽ രാവിലെ 11 മണിക്ക് ആരംഭിച്ച് സീബിലെ തീരദേശ റോഡിലൂടെയാണ് റേസ് കടന്ന് പോകുന്നത്. അവിടെ നിന്ന്, മാബില പാലം, അൽ റുസൈൽ നിസ്‌വ റോഡ്, അൽ-അമേറാത്ത് വിലായത്ത് എന്നിവയുൾപ്പെടെ ശ്രദ്ധേയമായ സ്ഥലങ്ങളിലൂടെ സൈക്കിളുകൾ കടന്നുപോകും.
പ്രതീക്ഷിക്കുന്ന ട്രാഫിക് ക്രമീകരണങ്ങളും റോഡ് അടയ്ക്കലും കണക്കിലെടുത്ത് താമസക്കാരും യാത്രക്കാരും അതിനനുസരിച്ച് യാത്ര ആസൂത്രണം ചെയ്യണമെന്ന് റോയൽ ഒമാൻ പോലീസ് വ്യക്തമാക്കി.
