മസ്കത്ത്: മയക്കുമരുന്നിൻറെ ആസക്തിയിൽ നിന്ന് മുക്തമാകുന്നവരെ താമസിപ്പിക്കാനായി മത്രയിൽ പുനരധിവാസ കേന്ദ്രം സ്ഥാപിക്കും. നാഷണൽ കമ്മിറ്റി ഫോർ നാർക്കോട്ടിക്‌സ് ആൻഡ് സൈക്കോട്രോപിക് സബ്‌സ്റ്റൻസസ്, ആൻറി നാർക്കോട്ടിക്‌സ് ആൻഡ് സൈക്കോ ട്രോപിക് സബ്‌സ്റ്റാൻസസ് കോമ്പറ്റീഷൻ പ്രോജക്ട് ടീം, മത്രയിലെ ഡെപ്യൂട്ടി ഗവർണർ അബ്ദുൽ ഹമീദ് ബിൻ അബ്ദുൽ റഹ്മാൻ അൽ ഖറൂസിയുമായി ചേർന്ന് നടത്തിയ യോഗത്തിലാണ് ഇത് സംബന്ധിച്ച തീരുമാനമുണ്ടായത്.
മയക്കുമരുന്നിൻറെ പിടിയിൽ നിന്നും മുക്തമായവരെ സമൂഹത്തിലേക്ക് വീണ്ടും ഇഴകിചേരാൻ സഹായിക്കുന്ന സുപ്രധാന ചുവടുവെപ്പുകളിലൊന്നാണിത്. പുനരധിവാസ കേന്ദ്രത്തിന് സ്ഥലം അനുവദിക്കുന്നതായിരുന്നു യോഗത്തിലെ പ്രധാന ചർച്ചാ വിഷയം. മയക്കുമരുന്ന് ബോധവത്ക്കരണ പദ്ധതിയുടെ പുരോഗതി, ടീമിൻറെ നേട്ടങ്ങൾ, നടപ്പാക്കിയ ഘട്ടങ്ങൾ, സംരംഭത്തിൻറെ സംഘടനാ വശങ്ങൾ എന്നിവ അവലോകനം ചെയ്തു.
