തിരുവനന്തപുരം: എയർ ഇന്ത്യ എക്‌സ്പ്രസ് വിമാനത്തിൽ പുക. തിരുവനന്തപുരം വിമാനത്താവളത്തിൽ നിന്നു രാവിലെ എട്ടു മണിക്ക് മസ്‌കത്തിലേക്കു പുറപ്പെടേണ്ടിയിരുന്ന വിമാനത്തിലാണ് പുക കണ്ടെത്തിയത്. തുടർന്ന് യാത്രക്കാരെ വിമാനത്തിൽ നിന്നും പുറത്തിറക്കി. പുറപ്പെടാൻ തുടങ്ങുന്നതിനു തൊട്ടുമുൻപാണ് വിമാനത്തിൽ പുകയും ദുർഗന്ധവും അനുഭവപ്പെട്ടത്. യാത്രക്കാർ ബഹളം വച്ചതോടെയാണ് സംഭവം അധികൃതരുടെ ശ്രദ്ധയിൽപ്പെട്ടത്.
വിമാനം റൺവേയിൽ എത്തിയപ്പോഴായിരുന്നു സംഭവം. വിമാനത്തിലുണ്ടായിരുന്ന 142 യാത്രക്കാരും സുരക്ഷിതരാണെന്ന് അധികൃതർ വ്യക്തമാക്കി. തീപിടിത്തം അല്ലെന്നും അധികൃതർ അറിയിച്ചു. സംഭവത്തിൽ പരിശോധന നടക്കുകയാണെന്നും വിമാനത്താവള അധികൃതർ വ്യക്തമാക്കി.
അപകടകാരണം കണ്ടെത്താൻ അന്വേഷണം നടത്തുമെന്ന് എയർ ഇന്ത്യ എക്‌സ്പ്രസ് അറിയിച്ചു.
