മസ്‌കത്ത്: രാജ്യത്തെ വിവിധ റോഡുകളിൽ വ്യാഴം, ശനി ദിവസങ്ങളിൽ ട്രക്കുകളുടെ സഞ്ചാരത്തിന് നിയന്ത്രണം. റോയൽ ഒമാൻ പോലീസ് ആണ് നിയന്ത്രണം ഏർപ്പെടുത്തിയത്. മസ്‌കത്ത് ഗവർണറേറ്റിലെ പ്രധാന റോഡുകൾ, അൽ ദഖിലിയ റോഡ് (മസ്‌കത്ത്, ബിദ്ബിദ് പാലം), ബാത്തിന ഹൈവേ (മസ്‌കത്ത് -ശിനാസ്) എന്നീ പാതകളിൽ വ്യാഴാഴ്ച ഉച്ചയ്ക്ക് 12 മണി മുതൽ വൈകിട്ട് നാലുമണിവരെയും ശനിയാഴ്ച വൈകിട്ട് 4 മണി മുതൽ രാത്രി പത്തുവരെയുമാണ് ട്രക്കുകളുടെ ഗതാഗതം നിരോധിച്ചിരിക്കുന്നതെന്ന് റോയൽ ഒമാൻ പോലീസ് വ്യക്തമാക്കി.
ഗതാഗതക്കുരുക്ക് ഒഴിവാക്കുന്നതിന്റെ ഭാഗമായാണ് നടപടിയെന്നും പോലീസ് വിശദീകരിച്ചു.
