മസ്കത്ത്: നാവികർക്ക് ജാഗ്രത നിർദേശവുമായി ഒമാൻ മാരി ടൈം സെക്യൂരിറ്റി സെന്റർ. ഹോർമുസ് കടലിടുക്കിൽ ഫ്ലോട്ടിങ് ഖനിയുണ്ടെന്ന് സംശയിക്കുന്നതിനാൽ നാവികർ ജാഗ്രത പാലിക്കണമെന്നാണ് ഒമാൻ മാരിടൈം സെക്യൂരിറ്റി സെന്റർ നൽകുന്ന മുന്നറിയിപ്പ്.
ഒമാനി ടെറിട്ടോറിയൽ കടലിൽ ഹോർമുസ് കടലിടുക്കിലെ ഇൻഷോർ ട്രാഫിക് സോണിന് പടിഞ്ഞാറ് ഒരു ഫ്ലോട്ടിംഗ് മൈൻ ആണെന്ന് സംശയിക്കുന്ന ഒരു ഫ്ലോട്ടിംഗ് വസ്തു കണ്ടെത്തി. എല്ലാ നാവികരും മത്സ്യത്തൊഴിലാളികളും കപ്പലുകളും ഈ പ്രദേശത്ത് സഞ്ചരിക്കുമ്പോൾ അതീവ ജാഗ്രത പാലിക്കണമെന്ന് മാരിടൈം സെക്യൂരിറ്റി സെന്റർ അഭ്യർത്ഥിച്ചു. എല്ലാ സമുദ്ര ഉപയോക്താക്കളും സംശയാസ്പദമായ വസ്തുക്കളിൽ നിന്ന് സുരക്ഷിതമായ അകലം പാലിക്കുകയും ബന്ധപ്പെട്ട അധികാരികളെ ഉടൻ അറിയിക്കുകയും ചെയ്യണമെന്ന് അധികൃതർ നിർദ്ദേശിക്കുന്നു. ഒമാനി മാരിടൈം സെക്യൂരിറ്റി സെന്റർ എക്സ് പ്ലാറ്റ്ഫോമിൽ പങ്കുവെച്ച പോസ്റ്റിലൂടെയാണ് അധികൃതർ ഇക്കാര്യം ആവശ്യപ്പെട്ടത്.
