മസ്കത്ത്: ഒമാനിൽ വേനൽച്ചൂട് കനക്കുന്നു. രാജ്യത്ത് രേഖപ്പെടുത്തിയ ഏറ്റവും ഉയർന്ന താപനില 49 ഡിഗ്രി സെൽഷ്യസ് കടന്നു. സിവിൽ ഏവിയേഷൻ അതോറിറ്റിയുടെ കാലാവസ്ഥാ കേന്ദ്രങ്ങളിൽ നിന്നുള്ള ഔദ്യോഗിക നിരീക്ഷണ റിപ്പോർട്ട് അനുസരിച്ച്, ബർകയിലെ വിലായത്തിൽ 24 മണിക്കൂറിനുള്ളിൽ 49.1°C താപനിലയാണ് രേഖപ്പെടുത്തിയത്.
രാജ്യത്തുടനീളമുള്ള മറ്റ് പ്രദേശങ്ങളിലും താപനിലയിൽ വർദ്ധനവുണ്ടായിട്ടുണ്ട്. അൽ സുവൈഖിൽ 48.8 ഡിഗ്രി സെൽഷ്യസ്, വാദി അൽ മാവിലിൽ 48.0 ഡിഗ്രി സെൽഷ്യസ്, സഹാമിലും ബിദ്ബിദിലും 47.9 ഡിഗ്രി സെൽഷ്യസ് എന്നിങ്ങനെയാണ് താപനില.
തീരദേശ, ഉൾപ്രദേശങ്ങളിലും ശക്തമായ ചൂടാണ് അനുഭവപ്പെട്ടത്, ബൗഷറിൽ 47.4°C ഉം, സൂറിൽ 47.3°C ഉം, അൽ അമരാത്തിൽ 47.2°C ഉം, അൽ റുസ്താഖിൽ 47.0°C ഉം, ദിമ വാ തയീൻ 46.9°C ഉം, മസ്കത്തിൽ 46.7°C ഉം രേഖപ്പെടുത്തി.
