മസ്‌കത്ത്: രാജ്യത്തേക്ക് നുഴഞ്ഞു കയറാൻ ശ്രമിച്ച 13 പ്രവാസികൾ ഒമാനിൽ പിടിയിൽ. മുസന്ദം ഗവർണറേറ്റിലെ ഖസബിലാണ് സംഭവം. മുസന്ദം ഗവർണറേറ്റ് പോലീസ് കമാൻഡിന് കീഴിലെ കോസ്റ്റ് ഗാർഡ് പോലീസാണ് ഇവരെ പിടികൂടിയത്. ഖസബ് തീരത്തേക്ക് ബോട്ടുമാർഗം കടക്കാൻ ശ്രമിച്ച ഏഷ്യൻ വംശജരാണ് അറസ്റ്റിലായതെന്ന് അധികൃതർ വ്യക്തമാക്കി. അറസ്റ്റിലായവർക്കെതിരെയുള്ള നിയമ നടപടികൾ പുരോഗമിക്കുകയാണ്.
ഒമാന്റെ അതിർത്തി മേഖലകളിൽ സിവിൽ ഡിഫൻസ് ആൻഡ് ആംബുലൻസ് അതോറിറ്റി അതീവ ജാഗ്രത പാലിക്കുന്നുണ്ടെന്നും അധികൃതർ കൂട്ടിച്ചേർത്തു.
