മസ്കത്ത്: മസ്കത്ത് ഗവർണറേറ്റിലുടനീളമുള്ള പൊതു പാർക്കുകളും പൂന്തോട്ടങ്ങളും വീണ്ടും തുറക്കുന്നതായി ഔദ്യോഗികമായി പ്രഖ്യാപിച്ച് മസ്കത്ത് മുനിസിപ്പാലിറ്റി. കഴിഞ്ഞ കുറച്ച് ദിവസങ്ങളായി മേഖലയിൽ അനുഭവപ്പെട്ട അസ്ഥിരമായ കാലാവസ്ഥയ്ക്ക് പരിഹാരമായതിനെ തുടർന്നാണ് തീരുമാനം. പാർക്കുകൾ ഇപ്പോൾ സുരക്ഷിതവും പൊതുജന ഉപയോഗത്തിന് വീണ്ടും തയ്യാറാണെന്നും അധികൃതർ വ്യക്തമാക്കി.
താൽക്കാലിക അടച്ചുപൂട്ടൽ വേളയിൽ പൊതുജനങ്ങൾ കാണിച്ച സഹകരണത്തിനും ക്ഷമയ്ക്കും മുനിസിപ്പാലിറ്റി നന്ദി അറിയിക്കുകയും ചെയ്തു.
