മസ്കത്ത്: ഒമാനിലെ പള്ളികളിലെ സംഭാവനപ്പെട്ടിയിൽ നിന്ന് മോഷണം നടത്തിയയാൾ അറസ്റ്റിൽ. അൽ മുദൈബിയിലെയും ഇബ്രയിലെയും വിലായത്തുകളിലുടനീളമുള്ള നിരവധി പള്ളികളിലെ ചാരിറ്റി ബോക്സുകളിൽ നിന്ന് സാമ്പത്തിക സംഭാവനകൾ മോഷ്ടിച്ച കേസിൽ ഉൾപ്പെട്ടയാളാണ് അറസ്റ്റിലായതെന്ന് റോയൽ ഒമാൻ പോലീസ് വ്യക്തമാക്കി.
കുറ്റകൃത്യങ്ങൾ നടത്താൻ ഉപയോഗിച്ചതായി പറയപ്പെടുന്ന വിവിധ വസ്തുക്കളും മോഷ്ടിച്ച ഫണ്ടുകളും അധികൃതർ ഇയാളിൽ നിന്നും കണ്ടെടുത്തു. അറസ്റ്റിലായ വ്യക്തിക്കെതിരായ നിയമനടപടികൾ പുരോഗമിക്കുകയാണ്.
